Қызылжар ауданы Бескөл ауылында «STREET WORKAUD» тан турнир өтті. Жастар арасында өткен жарысқа 10 адам қатысты. Олар 4 кезең бойынша сынға түсіп, өзара мықтыны анықтады. Жеңімпаз атанған спортшыға аудан әкімінің кубогы табысталды.
«STREET WORKAUD» яғни, көше спорты. Арнайы жаттығу залын қажет етпейтін бұл спорт түрімен кез-келген адам шұғылдана алады. Әсіресе, оған ауыл жастары әуес. Айта кетейік, воркаут Қызылжар ауданында жақсы дамып келеді.
АЛМА НҰРҒАЛИЕВА, ҚЫЗЫЛЖАР АУДАНЫ ӘКІМІНІҢ ОРЫНБАСАРЫ:
- Қызылжар ауданы- спорт саласы бойынша алда келе жатқан аудандардың бірі. Бізде тұрғындардың 42 пайызы саламатты өмір салтын ұстанады. Жалпы, ауданда спортпен шұғылдануға жақсы жағдай жасалған. Жастарымыз барлық сайыстарға белсене қатысып, әрдайым үздік нәтиже көрсетеді.
15 жастағы Сергей Савченко- Қызылжар ауданы, Валугино ауылының тұрғыны. Ол көше спортымен 2 жылдан бері айналысады. Воркауттан өткен турнирге алғаш рет қатысып отыр.
СЕРГЕЙ САВЧЕНКО, ҚАТЫСУШЫ:
- Мен бүгінгі сайысқа өз достарыммен келдім. Біз олармен бірге күнде жаттығу жасаймыз. Жалпы, бүгін 4 кезең бойынша сынға түсеміз. Дайындығым жақсы.
Ал, Бағдат Сәдуәқасов - бұл спорт түрімен 5 жылдан бері шұғылданады. Ол бүгінгі сайыста Петропавл қаласының намысын қорғады.
БАҒДАТ СӘДУАҚАСОВ, ҚАТЫСУШЫ:
- Менің бұл спорт түрінен көптеген жетістіктерім бар. Астана қаласында өткен сайыста 2-орын, Көкшетауда өткен сайыста 1-орын алдым. Менің мақсатым- воркаутты облыс бойынша дамыту, жастард, балаларды спортқа баулу.
Жалпы, сайысқа барлығы 10 адам қатысты. Жеңімпаз атанған қатысушыларға диплом, сыйлықтар және кубоктар табыс етілді.
Аснурия Абдула