«СЕВКАЗЭНЕРГО» акционерлік қоғамының құрамына кіретін Петропавл 2-ЖЭО-сы 2026 жылдың алғашқы жартыжылдығында өңірді жылумен қамтамасыз ету міндеттерін толығымен орындады. Жылдың алты айында энергетиктер тұтынушыларға 1 миллион гигакалориядан астам жылу энергиясын өндіріп, жеткізді.
Қазіргі уақытта станцияда жабдықтарды кешенді жаңарту жұмыстары белсенді жүріп жатыр. Қазандық агрегатын қайта жаңарту, №6 қондырғының негізгі бойлерін ауыстыру, сондай-ақ жаңа сорғы станциясының құрылысын қамтитын жылу қуатын тарату жүйесін қайта жаңғырту жобасы іске асырылуда. Сондай-ақ станцияда алдағы жылыту маусымына дайындыққа ерекше көңіл бөлінуде. Алғашқы жартыжылдықта ауқымды жөндеу жұмыстары жүргізілді: №4 қазандық агрегаты мен №2 және №3 турбоагрегаттар жөндеуден өтті. Мұнымен қоса, №2 түтін мұржасын тексеру жүргізіліп, отын-көлік цехының жабдықтары қалпына келтірілді. Жоспарланған барлық жұмыс толық көлемде әрі бекітілген кестеге сай орындалуда. Бұл толағай жүктемелер кезеңінде станцияның үздіксіз әрі сенімді жұмыс істеуін қамтамасыз етеді.