Өңірде «Қазақстан халқына» қоғамдық қорының қолдауының көмегімен, 10 мектеп күрделі жөндеуден өтті. Білім ордалары керекті барлық құрал-жабдықтармен жабдықталып, заман талабына сай етіп әсемделді. Солардың бірі – Қызылжар ауданында орналасқан №2 Бескөл орта мектебі. Оқу орны былтыр 250 млн теңгеге жөндеу көрді.


Жоба аясында 29 кабинет жаңартылып, заманауи құрал-жабдықтар орнатылды. Сонымен қатар, оқушылардың дамуына арналған арнайы кеңістіктер құрылды. Мектепте STEAM-зертханасы, арт-студия, телестудия және заманауи кітапхана ашылды. Бүгінде бұл мектепте 500-ден астам бала білім алып жатыр, олармен 81 педагог жұмыс істейді. Жаңа жабдықтар заманауи оқыту әдістерін енгізуге мүмкіндік беріп, ауыл оқушыларына заман талаптарына сай сапалы білім алуға жол ашты.

СНХ:АҚМАРАЛ ІЛИЯСОВА, №2 БЕСКӨЛ ОРТА МЕКТЕБІ ДИРЕКТОРЫНЫҢ ОРЫНБАСАРЫ


Мектепте бастауыш сынып кабинеттері, ұлдар мен қыздарға арналған шеберханалар, химия, физика, биология, математика, робототехника кабинеттері, сондай-ақ қазақ, орыс және ағылшын тілдерін оқытуға арналған сыныптар жаңартылды. Мұғалімдердің айтуынша, енді оқушылардың сабаққа деген қызығушылығы айтарлықтай артқан.

СНХ:ОЛЬГА КОМАРОВА, №2 БЕСКӨЛ ОРТА МЕКТЕБІНІҢ ТЕХНОЛОГИЯ ПӘНІ МҰҒАЛІМІ


Сонымен қатар, мектепте оқушылар робототехника бағыты бойынша да білім алып жатыр. Бүгіннің өзінде жас зерттеушілер облыстық және республикалық деңгейдегі түрлі байқауларға қатысып, жүлделі орындарды иеленіп жүр. Инженерлік құзыреттерді дамыту мақсатында Қазақстан бойынша 187 мектепте робототехника кабинеті ашылды. Оның ішінде өңірдегі 13 мектеп робототехниканы оқытуға арналған бағдарламалық аппараттық кешендермен жабдықталды. Жалпы құны 46 млн теңгеден асады.

СНХ:АИДА ТАСҚЫН, ОҚУШЫ


Бүгінде орта мектеп жаңа оқу жылына толық дайын. Биыл 1-сыныпқа қазақ және орыс тілдерінде білім алатын 45 оқушыны қабылдау жоспарланған. Оның ішінде 9 бала ерекше білім беруді қажет ететін оқушылар.


№2 Бескөл орта мектебі аудандағы үш шағын мектеп үшін тірек мектеп қызметін атқарады. Яғни, көршілес ауылдардағы оқушылар да осы мектептің мүмкіндіктерін пайдаланып, бірге сабақтарға қатыса алады. Мұнда олар бірлескен оқу бағдарламаларына қосылып, заманауи білім ала алады.

СНХ:БАУЫРЖАН ОРАЗҒАЛИЕВ, «ҚАЗАҚСТАН ХАЛҚЫНА» ҚОҒАМДЫҚ ҚОРЫ БАҒДАРЛАМАЛАР МЕН ЖОБАЛАРДЫ БАСҚАРУ ЖӨНІНДЕГІ ОРТАЛЫҒЫНЫҢ ЖЕТЕКШІСІ


Бұл бастама аясында Қазақстан бойынша 186 мектеп жаңартылатын болады. Солардың 10-ы Солтүстік Қазақстан облысында орналасқан. Осы мақсатқа «Қазақстан халқына» қоғамдық қоры 2,5 миллиард теңге қаржы бөлді.