Облыс орталығында «Birgemiz" волонтерлік фронт-офисі және Жастар ресурстық орталығының ұйымдастыруымен жастар арасында экологиялық мәдениетті қалыптастыру бойынша «Білім арқылы экологияға» атты зияткерлік сайыс өтті. Іс-шараға қоғамдық жұмыста белсенді қатысқан студенттер мен оқушылар қатысты.
Әли Ашкеновтың волонтер болып жүргеніне 1 айға жуық уақыт болған. Ол қоғамдық жұмыстардың арқасында өңірге пайдасын тигізіп, тәжірибе жинап жүр, және өзге де жастардың еріктілер қатарына қосылып, экологиялық мәселелерді бірге шешуге шақырады.
ӘЛИ АШКЕНОВ, ЕРІКТІ:
- Интеллектуалдық ойынға келдік, экология жайлы. Бұл жерде біз өзіміздің интеллектуалдық қабілеттерімізді шыңдаудамыз. Біз одан басқа осы экология жайлы көптеген мәселелерді шешудеміз. Мәселен, қаланың ескерткіштерін, әсем, әдемі жерлерін тазартуды жалғастырып жүрміз. Мен сияқты мектеп оқушылары, студенттер болса бізге қосылуға кеңес беремін.
3 топқа бөлінген 30-ға жуық ерікті іс шараға қатысып, қоршаған орта мен табиғатқа байланысты сұрақтарға жауап берді. Ұйымдастырушылардың сөзінше сайыстың өткізілу мақсаты жастар арасында экологиялық білімді дамыту мен оның мәдениетін қалыптастыру дейді.
ОКСАНА ГОНЧАРЕНКО, ҚОҒАМДЫҚ ДАМУ ЖӘНЕ АҚПАРАТ ОРТАЛЫҒЫНЫҢ МАМАНЫ:
- Жастар бастамалары бөлімі қоғамдық даму орталығы және Ақпарат орталығы бүгін «Білім арқылы экологияға» зияткерлік ойынын өткізуде. Бұл іс-шараның мақсаты – жастар арасында экологиялық белсенділікті дамыту және кеңінен насихаттау. Балалардың шығармашылық әлеуетін ескере отырып, экологиялық тұрғыдан ойлайтын ұрпақ тәрбиелеу.
Айта кетсек, сайыс жеңімпаздары естелік сыйлықтар және дипломдармен марапатталды.
ЕРЛАН ЖҰМАХАН