Облыстағы кәсіподақ орталығында «Қызметкерлердің еңбегіне лайықты жалақы төлеуді қамтамасыз ету бойынша қажетті іс-шаралар» тақырыбында диалог алаңы өтті. Іс-шара Солтүстік Қазақстан облыстық Қазақстанның Халық партиясымен бірлесіп ұйымдастырылды.
Кәсіподақтар мен әлеуметтік серіктестер халықтың табысын инфляцияның кері әсерінен қорғаудың нақты әрі тиімді жолдарын қарастыруда. Кездесуде көтерілген басты мәселе – еңбек ақы деңгейі нарықтағы бағаның өсуімен қатар артып отыруы тиіс деген ұстаным болды. Аталған жобаның негізгі мақсаты – инфляцияның халықтың күнделікті тұрмыс-тіршілігіне, өмір сүру сапасына қалай әсер ететінін жан-жақты талдау.
ЖАНАТ ЖҰМАБЕК, СҚО КӘСІПОДАҚ ОРТАЛЫҒЫ ТӨРАҒАСЫНЫҢ ОРЫНБАСАРЫ
Ұлттық статистика бюросының ресми деректеріне сәйкес, 2025 жылы ел бойынша жылдық инфляция деңгейі 12,3 пайызды құрады. Ал Солтүстік Қазақстан облысында бұл көрсеткіш республикадағы ең жоғары деңгейлердің бірі болып, 14,2 пайызға жеткен. Осыған байланысты халық арасында онлайн-сауалнама жүргізіліп, еңбек ұжымдарымен бірқатар кездесулер ұйымдастырылды.
БОЛАТ ҚОЖАХМЕТОВ, «ҚАЗАҚСТАН ХАЛЫҚ ПАРТИЯСЫ» СҚО ФИЛИАЛЫ ТӨРАҒАСЫНЫҢ ОРЫНБАСАРЫ
Кездесу қорытындысы бойынша тараптар азаматтардың табысын қорғауға бағытталған нақты тетіктерді әзірлеу жөніндегі жұмысты жалғастыруға уағдаласты. Ерекше назар климаттық жағдайы қатаң Солтүстік Қазақстан өңірлеріне аударылды, мұнда қосымша өтемақылар қарастыру қажеттігі атап өтілді. Жиын барысында ұсынылған барлық бастамалар уәкілетті мемлекеттік органдарға жолданатын болады.