Президент Қасым-Жомарт Тоқаев 2025 жылды – Жұмысшы мамандықтары жылы деп жариялады. Бәйкен Әшімов атындағы Петропавл машина жасау және көлік колледжінде World Skills Kazakhstan жұмысшы мамандықтар байқауы өтіп жатыр.
Ынталы жастарды жұмысшы мамандықтар мен кәсіптерге тарту бағытында ауқымды жобалар іске асырылып келеді. Соның бірі – 2014 жылдан бері ұйымдастырылып келе жатқан WorldSkills Kazakhstan халықаралық байқауы. Жарыстың мақсаты – сервистік және өндірістік кәсіптердің мәртебесін арттыру. Осы байқауға Бәйкен Әшімов атындағы Петропавл машина жасау және көлік колледжінің 12 мамандығы бойынша студенттер қатысады. Олар теориялық сұрақтарға жауап беріп қана қоймай, автокөліктерге техникалық қызмет көрсету бойынша практикалық тапсырмаларды орындайды.
СНХР: АНАТОЛИЙ ФУРМАНЮК, БӘЙКЕН ӘШІМОВ АТЫНДАҒЫ ПЕТРОПАВЛ МАШИНА ЖАСАУ ЖӘНЕ КӨЛІК КОЛЛЕДЖІНІҢ ДИРЕКТОРЫ
Тимур Молдабеков – колледждің 2-курс студенті. Ол бұл мамандықты ең алдымен жүрек қалауымен таңдады. Қазіргі таңда ол өз кәсібінің қыр-сырын меңгеріп, болашақта білікті маман болуға ұмтылады.
СНХР: ТИМУР МОЛДАБЕКОВ, 2-КУРС СТУДЕНТІ
Айта кетейік, қазіргі таңда колледжде 1000-ға жуық студент білім алып жатыр. Дуалды оқыту жүйесі бойынша колледж қала және аудан аумағындағы барлық техникалық қызмет көрсету станцияларымен тығыз байланыста жұмыс істейді. Жұмысшы мамандықтар барлық студенттердің 45%-ын қамтыған.