Петропавлда 2010-2011 жылдардағы жасөспірімдер арасында баскетболдан облыстық чемпионат өтті. Жарысқа 9 команда қатысты. Оның – 4-еуі аудандық, ал 5-еуі қалалық құрама.
Екі күн бойы жас спортшылар өзара мықтыны анықтады. Әрбір ойын төзімділікті, мықты тактиканы және қайсарлықты қажет етеді. Мұндай турнирлер баскетболды насихаттау және жастар мен жасөспірімдердің спортқа деген қызығушылығын арттыру мақсатында жиі өткізіледі.
СНХ: БАРСАТ САМИУЛЛА, БАСКЕТБОЛДАН ЖАТТЫҚТЫРУШЫ
Жарыс алаңына спортқа енді қадам басқан балалар мен бұған дейін де баскетбол ойнап жүрген жасөспірімдер шықты. Олар - қалалық "Барыс» командасы мен Қызылжар ауданынан келген құрама. Ойын қорытындысы бойынша 43:19 есебімен «Барыс» командасы жеңіске жетті.
СНХР: МАКСИМ ИВАНОВ, «БАРЫС» КОМАНДАСЫНЫҢ ОЙЫНШЫСЫ
Жарыс қорытындысы бойынша жеңімпаздар кубоктармен және медальдармен марапатталды.