376 солтүстікқазақстандыққа алкоголь ішуге тыйым салынды. Полицейлер ОСЫ жылдың алғашқы үш айында тұрмыстық зорлық-зомбылыққа қарсы жүргізілген жұмысты қорытындылады.
Өңірде үш ай ішінде отбасылық-тұрмыстық қатынастар саласында 21 қылмыс тіркелді, бұл өткен жылдың осы кезеңіндегі жағдаймен салыстырғанда 9 көбірек. Полиция қызметкерлерінің айтуынша, олардың 16-сы – денсаулыққа жеңіл зиян келтіру және ұрып-соғу фактілері. Бұл баптар 2024 жылдың маусым айында әкімшілік кодекстен қылмыстық заңнамаға ауыстырылды. Осыған байланысты қылмыстар санының формалды өсуі байқалады.
СНХР: Қорғанбек Жүсіпов - СҚО ПД жергілікті полиция қызметі басқармасының тұрмыстық зорлық-зомбылықпен күрес бөлімінің бастығы
Жалпы, жергілікті полиция қызметі басқармасының мәліметінше, тұрмыстық құқық бұзушылықтар саны азайған. Биылғы бірінші тоқсанда 660 құқық бұзушылық тіркелді, ал өткен жылы бұл көрсеткіш 773-ті құраған.
СНХР: Қорғанбек Жүсіпов - СҚО ПД жергілікті полиция қызметі басқармасының тұрмыстық зорлық-зомбылықпен күрес бөлімінің бастығы
Барлық ерекше талаптарға алкогольді ішімдіктер ішуге тыйым салу кіреді. Тәртіп сақшылары есепке алынған отбасыларды тұрақты түрде тексеріп, тұрмыстық құқық бұзушылықтардың алдын алу бойынша жұмыс жүргізеді. Полиция қызметкерлері шақыртуларға жедел ден қойып, тұрғындарға заң талаптарын түсіндіреді және тұрмыстық зорлық-зомбылық құрбандарына көмек көрсету механизмдері туралы ақпарат береді. Отбасындағы қауіпсіздік – «Заң және Тәртіп» қағидасын іске асырудың маңызды құрамдас бөлігі.