Төртінші сәуір таңғы сағат сегізге берілген ақпарат бойынша Сергеев су қоймасы бөгетінің жотасы арқылы ағып жатқан судың биіктігі 1 метр 52 сантиметрге жетті. Бір тәулікте мұнда су 22 см-ге көтерілген.
Өткен тәулікте Крещенка ауылының маңында Есіл өзенінде судың деңгейі 27 сантиметрге түскен. Андреевка, Возвышенка және Сухорабовка ауылдарының жанында да су деңгейінің шамалы төмендеуі байқалады. Алайда Рузаевка, Ковыльный ,Сергеевка мен Соколовка маңына су әлі келіп жатыр. Сергеевка қаласының жанында Есіл деңгейінің өткен тәулікте 77 см-ге артқаны тіркелді.