Қазақстанда уақытында салық төлемегендерге қатысты шаралар өзгереді. Борышкерлерден мәжбүрлеп ақша өндіру тетіктері жаңа салық кодексіне ұсынылды.
Қазіргі заңнамаға сәйкес 1 теңгеден артық қарызы болса өндіріп алу жұмыстары жүргізіле береді. Ал, 6 айлық есептік көрсеткіштен жоғары берешегі барларға шара қатаңдатылады. Жаңа кодекс жобасынында борышкерлер 3 санатқа бөлінеді. Қарызы 20 айлық есептік көрсеткіштен аз адамдарға ескерту жіберіліп, өсімпұл есептеледі. 20 мен 45 айлық есептік көрсеткіш аралығында болса шоттарына шектеу қойылып, ақшаны мәжбүрлі шешіп алу тәсілі қолданылуы мүмкін. Ал 45 айлық есептік көрсеткіштен көп берешегі барлардың мүліктеріне шектеу қойылып, оларды сату, шетелге шығуына тыйым салу, банктік шоттарынан ақшаны шешіп алу шаралары жүргізіледі.
СНХ: ҚАЙСАР АРЫН ҚР ҚМ МЕМЛЕКЕТТІК КІРІСТЕР КОМИТЕТІ БАСҚАРМАСЫНЫҢ БАСШЫСЫ