Өңірде 14 сәуірден бастап өрт қауіпті кезең басталады. Алайда көктемнің ерте шығуына байланысты құрғақ шөптердің жану деректері жиілеп кетті. Өңірлік коммуникациялар қызметі алаңында өткен брифингте мамандар өрттің алдын алуға қатысты атқарылып жатқан жұмыстарды таныстырды.
Өткен аптада облыс аумағында құрғақ шөп жануының 19 жағдайы тіркелді. Жанған аумақтың жалпы ауданы шамамен 30 га. Басты себеп – тұрғындардың бейғамдығы. Өрт қауіпсіздігі қағидаларына сәйкес елді мекендер мен ұйымдардың аумақтары жанғыш қалдықтардан, қоқыстардан, ыдыстардан, құрғақ шөптерден уақтылы тазалануы тиіс.
СНХР: АСЛАН АХМЕТЖАНОВ, СҚО ТЖД МЕМЛЕКЕТТІК ӨРТ БАҚЫЛАУ БАСҚАРМАСЫНЫҢ БАСТЫҒЫ
Әкімдіктің қарауындағы мемлекеттік орман қоры жерлерінің жалпы ауданы 550 мың гектар. Ормандарды қорғау жөніндегі іс-шараларды 12 орман шаруашылығы орындайды. Қазіргі уақытта мекемелердің негізгі міндеттерінің бірі-ормандарды өрттен сақтау. Өңірдің орман шаруашылықтары 21 өрт сөндіру автомашинасымен, 13 өрт сөндіру станциясымен, 84 трактормен, патрульдік автомобильдермен және өрт сөндіру ыдыстарымен, радиобайланыс құралдарымен жабдықталған
СНХР: ЕРЛАН ТӘШІМОВ, СҚО ӘКІМДІГІ ТАБИҒИ РЕСУРСТАР ЖӘНЕ ТАБИҒАТ ПАЙДАЛАНУДЫ РЕТТЕУ БАСҚАРМАСЫ БАСШЫСЫНЫҢ ОРЫНБАСАРЫ
Айта кетейік, төтеншеліктер Қазгидрометтің ақпаратына сүйене отырып көктем былтырғы жылмен салыстырғанда ыстық болады деп отыр. Сондықтан тұрғындарды өрттің алдын алу мақсатында қауіпсіздік ережелерін сақтауға шақырады.