Өңірімізде эпидемиялық маусым басталғалы 100 адамға тұмау диагнозы қойылды. Санитарлық-эпидемиологиялық бақылау департаменті мамандарының айтуынша, А типті тұмауға шалдыққандар саны басым. Сондай-ақ шошқа тұмауын 84, маусымдық тұмауды– 3,. Гонконг тұмауын 4 адам жұқтырған.
А типті тұмау әдетте ауыр өтеді. Биылғы маусымда онымен ауырудың 91 жағдайы тіркелді. В үлгідегі тұмауды 9 адам жұқтырған. Жалпы сырқаттардың 35-і – 14 жасқа дейінгі бала болса, төртеуі – жүкті әйел. Науқастардың ешқайсы тұмауға қарсы екпе алмаған. Эпидмаусым басталғалы облысымызда жіті респираторлық-вирустық инфекцияның 75 122 жағдайы тіркелді, ол өткен жылдың сәйкес кезеңімен салыстырғанда 24% төмен, былтыр эпидемиялық маусымда 93 мың адам дәрігерге қаралған. Жұқтырғандардың 67% - 14 жасқа дейінгі балалар. Соңғы аптада жіті респираторлық -вирустық инфекциямен 1170 адам ауырды. Ол өткен аптамен салыстырғанда 5% артық. Сырқаттың бұл түрі: жоғары температура, құсу, әлсіздік, тамақ ауруы, мұрының бітелуі секілді негізгі белгілермен білінеді. Мамандар ондай кезде медициналық көмекке жүгіну қажет дейді. Дұрыс емделмеген жағдайда дерт асқынып – өкпенің қабынуына әкелуі мүмкін.