Қызылжар ауданы Белое орта мектебі уақытша жабылды. Осы жылдың 23 наурызында тарих кабинетінің төбесі майысып, опырылуға шақ қалған. Қазір оқушылар көрші Пеньков ауылындағы мектепте оқуларын жалғастырып жатыр.
Қызылжар ауданындағы Белое орта мектебінің қабырғасы 1964 жылы қаланған. Бір қабатты ғимаратта 116 оқушы білім алып келген. Үшінші тоқсаннан кейінгі демалыс кезінде, тарих кабинетінің төбесі майысып түрғаны анықталды. Шатыр жабындысы өткен жылдары жаңаланғанымен, арқалықтары деформация берген.
СНХР: АЙНАГҮЛ СҰРАҒАНОВА, ОБЛЫСТЫҚ БІЛІМ БАСҚАРМАСЫНЫҢ БАСШЫСЫ
Балалардың қауіпсіздігін қамтамасыз ету мақсатында 3 сәуірден бастап көрші елдімекенге қатынап оқу ұсынылды. Оқушыларды 15 шақырым жерде орналасқан Пеньков орта мектебіне күнделікті тасымалдауды ұйымдастыру туралы шешім қабылданды. Оларға сабақты өздерінің мұғалімдері бірге барып береді. Белое ауылының 30 мұғалімі де жұмыстарын Пеньковада жалғастырып жатыр. Олар балалармен бірге күн сайын жұмысқа қатынауға мәжбүр болады. Ал ата-аналар болса әрине балаларының болашағы үшін алаңдаулы.
СНХР: МАРИЯ АТРЕПКИНА – АУЫЛ ТҰРҒЫНЫ
Жалпы мектеп күрделі жөндеу көрмеген, тек жыл сайын ағымдағы жөндеу жұмыстары жүргізіліп келіпті. Қызылжар ауданының білім бөлімі "Стадия" ЖШС мамандандырылған ұйымымен мектеп ғимаратына техникалық тексеру жүргізуге және тиісті қорытынды беруге шарт жасасты.