Елімізде «Бизнеске жол» бағдарламасы 2 жыл бұрын іске қосылған. Осы жоба аясында өңірде 120-дан астам аграрийдің құқығы қорғалған. Бұл мақсаттағы жұмыс әлі де қарқынды жалғасып жатыр. Петропавлда ҚР Сыбайлас жемқорлыққа қарсы іс-қимыл агенттігінің СҚО бойынша Департаментінің және «Атамекен» Ұлттық Кәсіпкерлер палатасының өкілдері облыстың ауыл шаруашылығы саласының мамандарымен кездесу өткізді.
Облыста барлығы 39 мыңға жуық орта және шағын бизнес субъектісі тіркелген. Қазіргі таңда оның 35 мыңнан астамы жұмыс істеп тұр. Бизнес өкілдерінің құқығын қорғау мақсатында облыстық «Атамекен» Ұлттық кәсіпкерлер палатасы ҚР Сыбайлас жемқорлыққа қарсы іс-қимыл агенттігінің СҚО бойынша Департаментімен тығыз қарым-қатынаста жұмыс істейді.
СНХ: ЖЕҢІС ҚАЗИЕВ, СҚО КӘСІПКЕРЛЕР ПАЛАТАСЫ ДИРЕКТОРЫНЫҢ ОРЫНБАСАРЫ
Өңірде «Бизнеске жол» жобасы іске қосылғалы ауыл шаруашылығы саласында 11 мәселе өз шешімін тапқан. ҚР сыбайлас жемқорлыққа қарсы іс-қимыл агенттігінің облыс бойынша Департамент басшысының бірінші орынбасары Алмат Мырзалиевтің сөзінше, қазіргі таңда шаруаларға субсидия беруде бірқатар шешілмеген мәселе бар. Ал, жанар-жағармай бойынша сұрақ шешілді.
СНХ: АЛМАТ МЫРЗАЛИЕВ - ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ СҚО БОЙЫНША ДЕПАРТАМЕНТ БАСШЫСЫНЫҢ БІРІНШІ ОРЫНБАСАРЫ
Жиын барысында қатысушылар жауапты мамандарға сұрақтарын қойып, мәселелерімен бөлісті. Кәсіпкерлердің құқығын қорғауға арналған мұндай бірлескен кездесулер алдағы уақытта да тұрақты негізге өткізіледі.