«Жол қозғалысына қатысушылардың қауіпсіздігі» акциясы

«Заң мен тәртіп» қағидатын іске асыру аясында Солтүстік Қазақстан облысында «Жол қозғалысына қатысушылардың қауіпсіздігі» атты ауқымды профилактикалық акция өтті. Іс-шараны Солтүстік Қазақстан облысының прокуратурасы облыс әкімдігімен және облыстық полиция департаментімен бірлесіп ұйымдастырды.

Акция барысында жол қауіпсіздігіне қатысты ақпараттық жадынамалар таратылды. Мамандардың айтуынша, өңірімізде жыл басынан бері 25-тен астам жол-көлік оқиғасы орын алған. 6 адам қаза тауып, 32 адам жарақат алған.

АЛМАС АСАЙЫНОВ – СҚО ПРОКУРАТУРАСЫ 3-БАСҚАРМАСЫНЫҢ АҒА ПРОКУРОРЫ

Облыс прокуратурасы Полицияны шақыртпай-ақ еурохаттаманы пайдаланып, жол көлік оқиғасын жеңілдетілген тәртіппен рәсімдеу мүмкіндігін еске салады. Еурохаттама дегеніміз – автожүргізушілердің сақтандырушы компаниялардың қатысуымен екіжақты өзара келісімі. Бұл тез арада өздерінің құқықтарын қорғап, моральдық шығын болса – соны өндіріп алуға мүмкіншілік тудырады.

ӘМІР ӘБІЛМӘЖІНОВ – СОЛТҮСТІК ҚАЗАҚСТАН КӨЛІК ПРОКУРАТУРАСЫНЫҢ АҒА ПРОКУРОРЫ

Профилактикалық іс-шаралар облыстың барлық аудандарында және Петропавл қаласында апатты-қауіпті жол учаскелерінде, бақылау-өткізу бекеттерінде, жаяу жүргіншілер өткелдерінде, қоғамдық көлік аялдамаларында, сондай-ақ білім беру ұйымдарының маңында өткізілді.