"Тәртіп батырлары күн" акциясы өтті

Қоғамда заң мен тәртіп идеологиясын насихаттау тұжырымдамасын жүзеге асыру аясында Қызылжар ауданына қарасты Бескөл ауылында «ТӘРТІП БАТЫРЛАРЫ КҮНІ» атты акция өтті. Іс-шараны Қызылжар ауданының прокуратурасы ұйымдастырды.

Акцияның басты мақсаты – халықтың құқықтық сауаттылығын арттыру және құқық қорғау жүйесіне деген сенімді нығайту. Іс-шара барысында әр тұрғын өзіне қажетті сұрақтарды қойып, құзырлы мамандардан кеңес алу мүмкіндігіне ие болды. Сондай-ақ, азаматтарды жеке қабылдауды аудан әкімдігі мен құқық қорғау органдарының өкілдері жүргізді..

СНХР: ҚАЙСАР ӘБІШЕВ, ҚЫЗЫЛЖАР АУДАНЫНЫҢ ПРОКУРОРЫ