Өңірге жұмыс сапарымен келген ҚР Премьер-министрінің орынбасары Петропавлдағы бөгеттерді аралады. Қанат Бозымбаев өткен жылы су басқан ойқала шағын ауданы мен биотоғанның маңында салынған бөгеттің құрылысын тексерді.
ҚР Премьер-министрінің орынбасары Қанат Бозымбаев Ойқала шағын ауданы Ущев көшесіндегі бөгеттің құрылысын тексерді. Бұл нысан қаланы су тасқынынан қорғауы тиіс. Себебі өткен жылы тасқын су көтеріліп, үйлер су астында қалған болатын. Апаттың алдын алу үшін бөгеттің биіктігі 4,5 метрден жеті метрге дейін ұлғайтылған. Оның ені бұрын 3 метр болса, енді 6 метрді құрайды. Құрылымның ұзындығы 300 метрге ұзартылған. Қала әкімі Серік Мұхамедиев, бөгеттің құрылысы аяқталуға жақын екенін айтты.
СНХ: СЕРІК МҰХАМЕДИЕВ, ПЕТРОПАВЛ ҚАЛАСЫНЫҢ ӘКІМІ
Есіл өзенінің оң жағалауында орналасқан бөгет демеу қоры есебінен салынған. Бүгінгі күні сараптама жұмыстары толығымен аяқталды, дейді қала әкімі. Қанат Бозымбаев бөгетте жүргізілген құрылыстың сапасын тексеріп, қалған жұмысты аяқтауды тапсырды.
Қанат Бозымбаев кейін биотоғанда қайта жөнделіп жатқан бөгеттің жұмысымен танысты. Өткен жылдың су тасқыны жағдайын ескере отырып, көлемі ұлғайтылған. Бұл бөгеттің тозуының алдын алып, табиғи сипаттағы төтенше жағдай қаупін болдырмауға мүмкіндік бермек.
СНХ: СЕРІК МҰХАМЕДИЕВ, ПЕТРОПАВЛ ҚАЛАСЫНЫҢ ӘКІМІ
«Қызылжар Су» ЖШС директоры Жеңіс Сұлтанов биотоғанның жұмысына тоқталды. Мемлекет тарапынан бөлінген қаражаттың барлығы толықтай игерілгенін жеткізді.
СНХ: ЖЕҢІС СҰЛТАНОВ, «ҚЫЗЫЛЖАР СУ» ЖШС БАС ДИРЕКТОРЫ
Петропавлдағы бөгеттердің жұмысымен танысқан Қанат Бозымбаев мемлекет тарапынан қолдау болатынын жеткізді. Ең бастысы қалған жұмыстар уақытында аяқталуы тиіс екенін ескертті.