Өңірге жұмыс сапарымен ҚР премьер-Министрінің орынбасары келді. Қанат Бозымбаев пен облыс әкімі Гауез Нұрмұхамбетов су басу қаупі бар елді мекендерді аралап көрді. Алғашқы барған жер Шал ақын ауданындағы Сергеев су қоймасы.
Сергеев су қоймасы-Есіл өзені ағысының негізгі реттеушісі. Өткен жылдан бастап мұнда гидроторапты нығайту, тереңдету және жағалауларды эрозиядан қорғау жұмыстары жүргізіліп жатыр. Қазіргі уақытта жалынан асып төгілу деңгейінің биіктігі 1 метр 4 сантиметр. Айта кету керек, өткен жылғы антирекорд 4 метр 25 сантиметр болған. Қазір өңірімізде су тасқынының екінші толқыны басталды. Ол Ақмола облысынан келеді.
СНХР: ҚЫМБАТ МЕРҒАЛИМОВА, "ҚАЗГИДРОМЕТ" РМК СҚОФ ДИРЕКТОРЫ
СНХР: ШҰҒАЙЫП ИБАТУЛЛИН, "ҚАЗСУШАР" РМК СҚОФ ДИРЕКТОРЫ
Қанат Бозымбаев жауапты тұлғаларға тәуекел аймағындағы елді мекендер мен саяжай аумақтарындағы ахуал тәулік бойы бақылауда болуы керектігін міндеттеді. Су қоймаларындағы ағыс деңгейін реттеу, сондай-ақ тасқынға қарсы атқарылып жатқан іс-шаралар туралы ақпараттардан халық үнемі хабардар болып отырулары қажет. Жалпы облыс бойынша тәуекел аймағында-116 елді мекен бар.
Өткен жылғы жағдай қайталанбас үшін су тасқынының алдын алуда инженерлік жұмыстар жоспары жүзеге асырылып, нәтижесінде 60 елді мекенде су басу қаупі азайды. Ұзындығы 47 шақырымды құрайтын бөгеттер бой көтеріп нығайтылды. 108 су өткізу құбыры орнатылып 10 шақырымнан астам арықтар тереңдетілді. 4 шақырым кіші өзен арнасымен 200 шақырым кәріз жүйесі тазартылды.