Өңірде су тасқынының екінші толқыны басталды. Бұл жолы мол су Ақмола облысының Жабай және Қалқұтан өзендерінен кеп жатыр. Салдарынан Ғ. Мүсірепов, Шал ақын, Есіл және Қызылжар аудандарында Есіл өзенінің су деңгейі көтерілмек. Мәселен өткен тәулікте Тоқсан би ауылының маңында 171 см-ге көтерілген. Крещенкада - 56, Сергеевка қаласында 45 см-ге су деңгейі артты. Қазіргі уақытта Сергеев су қоймасының жотасы арқылы асып-төгілу 109 см жетті. Петропавл су қоймасында деңгейі бір тәулікте 10 см-ге өзгерді.