Петропавл тұрғындары мен қонақтары үшін осы аптадан бастап туристік экскурсиялар ұйымдастырылады. Бұл бастама туризмді дамытуға, өңірдің тарихи және мәдени көрікті жерлеріне назар аударуға ықпал етпек.
Мемлекет басшысы Ұлттық құрылтайдың IV отырысында өңірлерді туризм арқылы дамыту қажеттігін атап өтті. Облыстық туризм қауымдастығының төрағасы Владимир Витченконың айтуынша, аймақта бұл мәселе бұрыннан көтеріліп келеді. Сондықтан туристік экскурсиялар ұйымдастырылады. Алғашқысы 29 наурыз - сенбі күні өтті. Жалпы мұндай экскурсиялар апта сайын өткізіледі. Оны 3 тілде білікті 12 гид-экскурсия жүргізушілер өткізеді. Мамандар бір апталық арнайы оқудан өткен. Саяхат қаланың негізгі көрнекті орындарын қамтиды, олар: театр алаңы – Конституция көшесі – Ботай мәдениеті музейі – Өлкетану музейі. Экскурсия ұзақтығы шамамен 1,5 сағат. Құны – 1500 теңге. Сондай-ақ, қасиетті, діни орындарға, Имантау-Шалқар курорттық аймағына және басқа да туристік нысандарға экскурсиялар ұйымдастыру жоспарланып отыр. Бұл сұраныс пен тұрғындар мен қонақтардың қызығушылығына байланысты болмақ.
СНХР: ВЛАДИМИР ВИТЧЕНКО, СҚО ТУРИЗМ ҚАУЫМДАСТЫҒЫНЫҢ ТӨРАҒАСЫ