Манаш Қозыбаев атындағы Солтүстік Қазақстан Университетінде Сыбайлас жемқорлыққа қарсы ҚЫЗМЕТ өкілдері жастарға «Заң мен тәртіп» жобасының аясында АДАЛДЫҚ сағатын өткізді. Іс-шарада сыбайлас жемқорлыққа қарсы іс-қимылдың негізгі аспектілері талқыланды. Тақырыпты тілші тарқатады.
Іс - шараға ҚР Сыбайлас жемқорлыққа қарсы іс-қимыл агенттігінің СҚО бойынша департаменті басшысының бірінші орынбасары Алмат Мырзалиев және басқарма төрағасының міндетін атқарушы - ректор, интернационалдандыру және Халықаралық бағдарламалар жөніндегі басқарма мүшесі Мансұр Әлімханов қатысты.
СНХ: АЛМАТ МЫРЗАЛИЕВ - ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ СҚО БОЙЫНША ДЕПАРТАМЕНТ БАСШЫСЫНЫҢ БІРІНШІ ОРЫНБАСАРЫ
Іс-шараның мақсаты студенттерді заң, тәртіп және азаматтық жауапкершілік мәселелері жөнінде хабардар ету. Жастарға заң ережелері мен құқықтық нормалар туралы ақпарат беріліп, өз құқықтары мен міндеттері түсіндірілді. Қоғамда дұрыс тәртіпті ұстану, жастардың саналы, парасатты шешімдер қабылдануына, болашақта қоғамға пайдалы азамат болып қалыптасуына ықпал ету көзделді. Іс-шарада сыбайлас жемқорлыққа қарсы мәдениетті қалыптастыру бойынша жүргізіліп жатқан жұмыстар туралы ақпарат берілді.
СНХР: ИННА ДЖЕМАЛЕДИНОВА - СЫБАЙЛАС ЖЕМҚОРЛЫҚҚА ҚАРСЫ КОМПЛАЕНС-ҚЫЗМЕТІНІҢ БАСШЫСЫ
Жиында жастарға егер пара алатын болса, оларды қандай жаза күтіп тұрғаны жайлы бейнеролик ұсынылды. Алдағы уақытта қаланың жоғары оқу орындарының студенттерімен осындай іс-шаралар өткізу жоспарланған, бұл жастар арасында сыбайлас жемқорлыққа қарсы сананы қалыптастыру және қоғамда құқықтық тәртіпті нығайту жөніндегі жұмысты жалғастыруға мүмкіндік береді.