Облыста жыл басынан бері 300-ден астам кәсіпкердің құқығы қайта қалпына келтірілді. 28 қадағалау актісі енгізіліп, 19 тұлға жауапкершілікке тартылды. Сондай-ақ, 1 миллион теңгеден соммада кәсіпкерлік субъектілерінің құқықтары қорғалған. Бұл туралы облыстық прокуратурада өткен жиында облыс прокурорының бірінші орынбасары Әбу-Әли Саттар айтты. Кездесуге «Атамекен» Кәсіпкерлер палатасы директорының орынбасары Жеңіс Қазиев те қатысып, бизнеске қатысты мәселелер талқыланды.
Мемлекет басшысының тапсырмасымен облыс прокурорлары екі жыл бойы инвестициялық жобаларды қадағалап келеді. Осы жоба аясында 110 миллиард теңге көлемінде инвестициялық салымдар салуды жоспарлаған инвесторлардың 7 проблемалық жағдайы оң шешім тапты.
СНХ: ӘБУ-ӘЛИ САТТАР, ОБЛЫС ПРОКУРОРЫНЫҢ БІРІНШІ ОРЫНБАСАРЫ
Сонымен қатар, прокурордың наразылығы бойынша мемлекеттік кіріс органдарының 17 хабарламасы жойылып, әкімшілік құқық бұзушылықтар бойынша істер тоқтатылды. 3 лауазымды тұлға тәртіптік жауапкершілікке тартылған. «Техуспех» серіктестігінің директоры Юлия Винникова жиынға арнайы келіп, өз мәселесі туралы айтты.
СНХ: ЮЛИЯ ВИННИКОВА, «ТЕХУСПЕХ» ЖШС ДИРЕКТОРЫ
Күн тәртібінде бұдан бөлек тағы 3 мәселе көтерілді. Облыс прокурорының бірінші орынбасары бұл жағдайларды топшылап, тиісті мамандарға нақты тапсырмалар берді. Және бұл сұрақтар осы апта ішінде шешімін табуы керек. Алдағы уақытта «Атамекен» Кәсіпкерлер палатасымен бірлескен осындай кездесулер тұрақты негізде өткізілмек.