М.Қозыбаев университетінің кәсіптік бағдар беру тобы оңтүстік өңірлерге арнайы сапарға шықты. Мамандар талапкерлерге білім гранттары, «Серпін» бағдарламасы және қос дипломдық оқу жүйесі жайлы толық ақпарат бермек.
Қозыбаев университетінің кәсіптік бағдар беру тобы Жамбыл, Түркістан және Қызылорда облыстарына және Шымкент қаласына аттанды. Бұл сапардың мақсаты – жергілікті мектеп оқушыларына СҚУ-да білім алу мүмкіндіктері жайлы ақпарат беру. Университет өкілдері талапкерлерге Қозыбаев университетіне түсу жолдары, қолжетімді гранттар, 160-тан астам білім беру бағдарламасы, Аризона университетімен ынтымақтастық және «Серпін» бағдарламасы аясында көрсетілетін қолдау жөнінде жан-жақты мәлімет бермек.
СНХР: ӘДІЛХАН ТӨЛЕПБЕРГЕН- М.ҚОЗЫБАЕВ УНИВЕРСИТЕТІНІҢ БАСҚАРМА ӨКІЛІ
Қызылорда облысы, Сырдария ауданынан келген Байжан Әбдіров – М. Қозыбаев атындағы Солтүстік Қазақстан университетінің 4-курс студенті, болашақ қазақ тілі мен әдебиеті маманы. Өңірдің табиғаты мен тыныш ортасы оны бірден баурап алып, осында білім алуға деген қызығушылығын арттырған. Байжанның айтуынша, университет тек сапалы білім беріп қана қоймай, кәсіби дамуға және өзін-өзі жетілдіруге мол мүмкіндік ұсынған.
СНХР: БАЙЖАН ӘБДІРОВ, М.ҚОЗЫБАЕВ АТЫНДАҒЫ СҚУ 4-КУРС СТУДЕНТІ
Айта кетейік, «Серпін» бағдарламасы бойынша оқуға түсетін талапкерлерге психологиялық қолдау көрсетіліп, жатақханамен қамтамасыз етіледі. Сонымен қатар, 2-3 курсқа өткеннен кейін жұмысқа орналасуға мүмкіндік беріледі. Қазіргі таңда аталған бағдарлама аясында 167 студент білім алып жатыр, ал 65 түлек университетті аяқтап, түрлі салада еңбек жолын бастады.