Петропавлдағы И. Шухов атындағы орталық қалалық кітапханада “Қазақстаным – мақтанышым” атты музыкалық-поэтикалық кездесу кеші өтті. Бұл кеш қазақ музыка өнерінің көрнекті тұлғалары мен олардың шығармашылығын дәріптеуге арналды.
Іс-шараға “Sana” әдеби-музыкалық клуб мүшелері, зиялы қауым өкілдері, ақын-жазушылар, мәдениет және өнер саласының өкілдері, “Жас дарын” колледжінің оқушылары, кітапхана оқырмандары қатысты. Кеш барысында қазақ музыкасының алтын қазынасына айналған әндер шырқалып, көрнекті композиторлардың өмірі мен шығармашылығы туралы айтылды.
СНХР: СӘЛИМА МАҚЫШЕВА «САНА» МУЗЫКАЛЫҚ-ӘДЕБИ КЛУБЫНЫҢ ҚАТЫСУШЫСЫ
“Сана” клубы биыл 3 жыл бойы өз жұмысын белсенді атқарып келеді. Клуб құрамында елге елеулі, мәдениет пен тарихқа қызығатын, мәдени мұраларды зерттеумен айналысатын азаматтар бар. Клуб мүшесі Ботагөз Қожабекованың айтуынша, ендігі мақсат – Қазақстан бойынша киелі жерлерді зерттеу, соның ішінде өңіріміздегі Қызыл оба сияқты толық зерттелмеген тарихи орындарға назар аудару
СНХР: БОТАГӨЗ ҚОЖАБЕКОВА, М. ҚОЗЫБАЕВ АТЫНДАҒЫ СҚУ ТАРИХЫ МУЗЕЙІНІҢ ЖЕТЕКШІСІ
Биыл ел бойынша атаулы даталар көп. Мәселен Нұрғиса Тілендиев, Шәмші Қалдаяқов, Ескендір Хасанғалив және Үкілі Ыбырай сынды композиторлардың мерейтойлары атап өтілмек. «Сана» клубы олардың әрқайсының өмірбаяны мен шығармашылығына жеке тоқталып, іс-шаралар ұйымдастырмақ. Ал бүгінгі кездесу Ақан сері атындағы облыстық филармонияның әртістері әзірлеген концерттік бағдарламамен аяқталды.