Солтүстік Қазақстан облысындағы қала маңындағы ауылдық округте полиция қызметкерлерінің саны екі есеге артты. Вагулин ауылдық округіне жаңа учаскелік инспектор тағайындалды.
2025 жылғы қараша айының соңында Вагулин ауылдық округінің әкімі Ирина Шишкина ауыл әкімдерінің Қазақстан Республикасының Президенті Қасым-Жомарт Тоқаевпен және Үкімет мүшелерімен өткен кездесуіне қатысты. Сол жерде ол ҚР Ішкі істер министрі Ержан Сәденовке жүгіну мүмкіндігіне ие болды.
Мемлекет басшысы халықтың сұраныстары мен қажеттіліктеріне жедел ден қоюдың маңызын бірнеше рет атап өткен болатын. Ауыл әкімінің өтініші қысқа мерзімде қаралды.
Жаңа учаскеге 20 жылдық еңбек өтілі бар, тәжірибесі мол полиция майоры Ренат Бақтыбаев тағайындалды.
Ирина Шишкина — Вагулин ауылдық округінің әкімі
Жаңа полиция қызметкерін жергілікті билік өкілдері, ішкі істер органдарының ардагерлері, сондай-ақ округ тұрғындары жылы қарсы алды. Оны көпшілікке цехтық ардагерлер ұйымының төрағасы Александр Дроздецкий таныстырды.
Бұл оқиға Президент тапсырмаларының орындалуын бақылау мен мониторинг жүргізуге бағытталған «Айтылды — орындалды» бастамасының тиімділігін көрсететін жарқын мысал болды.